Pag-ibig: The third time around

Pag-ibig: The third time around
ni Bartolome V. Casuga Jr.

Sabi ng isang tauhan sa pelikula,
Ang pa-ibig ay malungkot at masaya.
Huwag mo daw itong pipigilan,
Kasi lalo ka lang daw masasaktan.
Para daw itong bata,
Inosente, walang muwang, mura!

Ang kawalan ng muwang ng pag-ibig kelan man ay di magkakasala.

Sabi naman nung isa,
Ang pag-ibig daw ay mapusok at mapanghusga.
Ito daw ay makasarili,
Wala daw itong idudulot na mabuti.
Bitter ang tauhan sa drama.
Di ba?

Sisirain at babaguhin lang ng pag-ibig ang mundo mo.

***

Ang pag-ibig puno ng pangako.
Antayin mo ako.
Ikaw lang dito sa puso ko.
Hindi ako magbabago.
Andito lang ako para sa'yo.
Ikaw lang ang mamahalin ko,
Pangako!

Hindi naman masama magbitiw ng salita,
Basta kayang panindigan at maipakita.
Ang nagiging problema,
Paano naman kung nakalimot na?
Mananatili ka pa rin bang maniniwala?

***

Ang pag-ibig sa puso daw nagmumula.
Ititibok nito, tapos dadaan sa utak mo.
Ipapakita ng mga mata at ibibigkas sa iyong salita.
Hindi mo mappipigil ito, parang magnetismo.