Literatura 2

Si Koy
ni Bartolome V. Casuga Jr.


Nag-iisa na lang ako ngayon
Sa bahay.
Sa buhay.
Sa pagkain.
Sa panonood.

Pero nagkamali pala ako.
Kasama ko pala ang bestfriend ko.

Gusto kong makilala niyo siya.
Siya si Koy!

Siya ang aking kausap.
Kasama sa lahat.
Sa puyatan.
Sa kulitan.
Sa kainan.
Pati na rin sa kalokohan.

Siya ang katabi ko sa pagtulog.
Lagi kaming magkasama.
Kung nasaan ako, nandun din siya.
Sa upuan.
Sa tulugan.
Sa kuwarto.
Sa sala.
Pati nung umuwi ako sa probinsiya.

Sa aking pag-iisa.
Siya ang aking tampulan.
Siya ang aking sabihan.
Siya lang ang tanging kaibigang laging handang makinig saken.
Salamat Koy.

Siya ang aking alaga.
Asong mataba.
Mahal niya ako.
Pero mas mahal ko siya.
Kaya kaming dalawa ay laging magkasama.