Lessons 1

Ang Electric Fan
ni Bartolome V. Casuga Jr.

Napansin kong napakarumi na ng electric fan ko.
Puno na ito ng alikabok.
Hindi lang ito basta alikabok,
maitim na alikabok.
Kaya pala mahina na ang ibinubuga nitong hangin kahit naka no.3 na ito.

Kaya naman naisipan ko itong linisin.
Bukod sa marumi na ito,
tropa ko rin kasi ito.
Kapag nasa kwarto ako, nandun din siya.
Kapag nasa sala naman ako nandun din ito.
Kasama ko ito sa puyatan.
Sa pagtulog.
At akalain mo,
marami din itong alam sa aking mga kalokohan.

Nilinis ko nga ito ng tubig at sabon.
Pinaliguan ko siya.
Nauna pa siyang maligo kaysa sa akin.
Okay lang yun kasi minsan lang naman sa isang buwan kung ito ay maligo.

Habang pinaliliguan ko siya,
meron akong napansin.
Mas marumi ang harapan,
sunod ang gitna,
at pinakamalinis ang likuran.

Lesson:
"Mas marumi ang nilalabasan
kaysa sa pinapasukan."

Baliktarin naten:

"Mas malinis ang pinapasukan
kaysa sa nilalabasan."

Tama ba yun?
Parang katawan lang naman ng tao.
Mas malinis ang bunganga
kaysa sa puwet.
Literal na ngang ganun.
Mas mabaho naman talaga ang utot ah
kaysa sa hininga.